O Conservatorio de Música Profesional de Ribeira Enrique Paisal puxo en marcha nas súas redes sociais (Facebook e Instagram) o ciclo denominado Verán21. Ao igual que o ano pasado o obxectivo da iniciativa é “achegar á xente vía RRSS unha parte do traballo que o alumnado fixo durante este curso tan difícil xa que por mor da pandemia non se puideron organizar audicións con público”.
Dende a dirección do centro e do claustro de profesores e profesoras aproveitaron o lanzamento do ciclo para “felicitar unha vez máis a cada un dos alumnos e alumnas que neste curso tan complicado fixeron co seu esforzo e disciplina que os protocolos de seguridade anti-COVID funcionaran de xeito exemplar”.
