Somos Rianxo, agrupación de comerciantes, hostaleiros e empresas do sector servizos que abrangue máis dun cento de negocios pertencentes ao termo municipal rianxeiro, vén de pór en marcha unha campaña de celebración da diversidade con motivo das celebracións do Día Internacional do Orgullo LGTBIQ+ que se celebra este 28 de xuño, e tamén nas xornadas previas e posteriores.
A campaña da agrupación rianxeira inclúe unha pegada de carteis nos establecementos físicos e tamén recursos gráficos nas redes sociais, todo o co obxectivo de dar visibilidade á dita celebración pola diversidade afectiva e sexual.
