O Museo do Gravado de Artes (Ribeira) vai inaugurar o vindeiro venres 18 unha nova e relevante mostra, a exposición No ronsel do Camiño, Gravado contemporáneo para o Xacobeo 21-22. A apertura oficial será ás 13.00 horas na sala 0 do museo.
Neste ano 2021 o Museo do Gravado de Artes (Ribeira) quere sumarse aos actos xacobeos coa devandita exposición, exhibindo e reivindicando a obra de tres arrtitas: o asturiano Miguel Ángel Lombardía e os galegos Manuel Facal e Mariano de Souza.
Trátase dunha exposición que reúne máis de 100 obras.
Debido ás medidas sanitarias de prevención contra o COVID-19 o aforo de acceso á sala é reducido, mantendo as medidas de distanciamento recomendadas por sanidade e é necesario reservar entrada no teléfono 981 871 342 ou na conta de correo fundartes@gmail.com.
