O concello de Outes acolleu estes días diversos traballo de limpeza e recuperación ambiental.
En primeiro lugar, o Concello deu conta do comezo das tarefas (con este primeiro de xuño) para limpar e poñer a punto os areais do termo municipal, comezando polo máis importante, o de Broña. Neste cometido están a traballar seis operarios temporais.
Por outra banda, coincidindo coa celebración esta fin de semana do Día do Medio Ambiente, o alumnado do IES Poeta Añón de Outes levou a cabo unha limpeza colectiva de diversas zonas do termo municipal recollendo lixo e deixando carteis solicitando a colaboración para manter o concello limpo.
