Cinco persoas que viaxaban nun turismo que a pasada noite envorcou sobre o río Esteirón, na parroquia pobrense de O Xobre resultando ilesas. Emerxencias 112 mobilizou á Policía Local da Pobra, que trasladou ao lugar a dúas patrullas. Tras comprobar que todos os pasaxeiros estaban ben e saíran polo seu propio pé do vehículo, os axentes realizáronlle a proba de alcol e drogas á condutora, cuxo resultado foi negativo.
A causa foi unha manobra erronea que provocou que o coche saíse da vía e caese pola zona da ponte e acabase envorcado sobre o leito. O operativo no que interviu Protección Civil prolongouse ata a medianoite, debido a que foi necesario desprazar a un guindastre especial para retirar o vehículo.
