O Culturgal Expandido recala en Muros entre o 16 e o 18 de outubro

14 Outubro 2026
Artur Puga

O Mercado Municipal de Muros acollerá entre o 16 e o 18 de outubro (de venres a domingo) a edición 2026 do Culturgal Expandido, coa colaboración da Deputación da Coruña e o Concello de Muros.

O programa inclúe actividades para todas as idades e a presenza de artistas e creadores locais, como o grupo Lisdexia e o escritor Samuel L. París, ademais de concertos, conversas literarias, programación infantil e baile tradicional.

Lisdexia

“Este Culturgal Expandido quere unir a enerxía cultural galega coa enerxía cultural dunha vila como Muros cun obxectivo final, que non é outro que divertirse”, asegura Camilo Franco, director do Culturgal. Todo o programa é gratuíto.

Programa

Diego Ameixeiras

O Culturgal Expandido comeza o venres 16 co autor, director teatral e narrador Candido Pazó (19:00 horas), para dar paso ao recital Todos poetas menos o capitán, de Samuel L. París, e un concerto poético de Silvia Pena e Jesús Andrade.

O sábado pola mañá, programación infantil con O Lobo Feliz, de Miguel Guido, e Menú de Contos, de Charo Pita.

Marga Tojo

Pola tarde, conversa literaria con Marga Tojo, Diego Ameixeiras e Carlos Lixó, concerto de Lisdexia (20:00 horas) e o espectáculo Da vara e mais da besta, de Lois Pérez e Secho.

Miguel Guido

O domingo chega a quenda do baile tradicional, cun obradoiro para todos os públicos co bailarín e coreógrafo Artur Puga, antes do fin de festa do Vén e Baila, cun chamamento a toda a veciñanza de Muros para bailar con Puga e Os Enxebres.

Silvia Penas

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.