Galicia continuará este venres baixo a influencia das altas presións, aínda que a presenza de aire frío en capas altas da atmosfera achegará certos trazos de inestabilidade ao longo da xornada.
O día comeza con brétemas e anubrados de tipo baixo en áreas do interior, mentres que no resto do territorio predominan os ceos moi abertos.
Pola súa banda, os termómetros rexistrarán valores máis suaves, cun ascenso das temperaturas que irá de lixeiro a moderado en boa parte da xeografía(máximas 25 a 27 graos). Os ventos soprarán de compoñente leste-nordés, con intensidade frouxa nas zonas do interior, moderados na franxa costeira e con intervalos de refachos fortes na contorna de Bares.
O noso mar: Vento do nordés á mañá, do noroeste á tarde e do norte á noite, forza 2 a 4 á mañá e á noite e 2 a 3 á tarde. Mar ovellado. Visibilidade boa. Mar de fondo do noroeste, con ondas de 1.5 a 2 metros á mañá e 1 a 2 metros á tarde e á noite.
