O Concello de Rianxo, a través da Concellería de Política Social, organiza unha xeira de tres novas saídas ás Termas de Cuntis nos meses de outubro, novembro, decembro destinadas a persoas maiores de 50 anos empadroadas no noso municipio. As saídas encádranse na nova edición do programa Rianxo Termal, que, segundo confirmou o Concello, vén sendo un éxito de participación en cada convocatoria.
O programa ten un custo de 60€ persoa, o que inclúe a entrada ás termas os tres días e o desprazamento en autobús dende Rianxo.
Este 22 de setembro ábrese o prazo de inscricións que as persoas interesadas en participar poidan formalizar a súa inscrición na Casa Consistorial de luns a venres en horario de 9:00 a 13:00 horas ou a través do 981 86 00 75.
