O Auditorio de Muros retoma esta semana a programación cinematográfica coas proxeccións de El ser querido e Spider-Man: Brand New Day.
A programación arrancará coa proxección de El ser querido, unha das grandes apostas do cinema español deste ano. Unha película dirixida por Rodrigo Sorogoyen e protagonizada por Javier Bardem e Vicky Luengo.
O filme poderá verse no auditorio nas seguintes sesións: o venres, 18 de setembro ás 20:30 h, o sábado, 19 de setembro ás 20:30 h e o domingo, 20 de setembro ás 20:00 h.
A programación completarase con Spider-Man: Brand New Day, a nova aventura do universo Marvel. Nesta ocasión, Peter Parker enfróntase a unha nova etapa da súa vida mentres continúa asumindo a responsabilidade de protexer a cidade como Spider-Man.
As sesións previstas son o sábado, 19 de setembro ás 17:30 h e o domingo 20 de setembro ás 17:00 h
Dende a Concellería de Cultura, Caridad González destaca que “seguimos apostando por achegar a Muros películas de actualidade e títulos que están a espertar un gran interese entre o público”.
As entradas para ambas películas xa poden adquirirse a través da billeteira electrónica do Concello de Muros e tamén nas oficinas do Centro Cultural e Xuvenil.
