Boiro Novo emitiu hoxe un comunicado crítico coas obras de rehabilitación do Centro Social de Cabo de Cruz, que, segundo indicaron, “quedaron só en fume e en propaganda”, en parte, sinalaron, “porque a obra proxectada non cubría todos os traballos requiridos para rehabilitar o edificio nin contaba co orzamento
necesario”. O resultado, explicaron, “foi unha licitación deserta e volver ao punto de partida”. Ao seu xuízo, trátase dunha “discriminación das parroquias fronte ao centro urbano”.
E engadiron: “Mentres para a Casa da Cultura non se reparou en gastos, ampliando en 1,7 millóns o orzamento inicial, en Cabo o Goberno nin sequera presentou un proxecto integral para o arranxo do edificio e tampouco dispuxo dos fondos necesarios para tan só para arranxar a cuberta”.
O grupo tamén dixo que hai demoras importantes nos proxectos locais: “Aínda agora, a finais de 2026, comezan a executar obras que levan aprobadas dende a anterior lexislatura coma o pavimentado de Runs o ou o lavadoiro de Comoxo”.
Neste contexto, Boiro Novo presentará no próximo pleno unha batería de preguntas ao Goberno para “que informe cando volverá saír a licitación da cuberta do Centro Social de Cabo, cando se acometerá o resto das actuacións necesarias para rematar e rehabilitar completamente o edificio e que medios materiais e humanos se destinarán a darlle contido”, adiantaron.
