O Museo do Gravado de Artes (MUGART) compartiu a súa axenda para este inicio de curso, unha completa listaxe de actividades que inclúe inauguracións de mostras, entregas de premios e achegamento de fondos para outros espazos expositivos.
· Xoves, 10 de setembro 2026, ás 19.00 h: Sala Refectorio do Museo Provincial de Lugo: Exposición de Lodeiro: obra gráfica. Está formada por 52 estampas, 11 serigrafías e 14 matrices orixinais de Lodeiro, o “Pintor de Vigo”. Do 10 de setembro ao 1 de novembro 2026.
· Sábado, 19 de setembro 2026, ás 13.00 h no MUGART (Sala 0), Museo do Gravado de Artes (Ribeira): entrega de galardóns e inauguración da exposición do XVII Premio Atlante de Gravado. Exposición coas obras gañadoras e seleccionadas do XVII Premio Atlante de Gravado. Do 19 de setembro ao 12 de novembro 2026.
· Xoves, 1 de outubro, 2026, hora por definir: Museo do Mar de Galicia (Vigo). Exposición Dante-Dalí: A Divina Comedia. 100 obras realizadas por Salvador Dalí para ilustrar A Divina Comedia de Dante Alighieri. Do 1 de outubro ao 15 de novembro 2026. Este proxecto expositivo que conta coa colaboración da Societá Dante Alighieri de Vigo, leva parella unha serie de conferencias sobre a figura de Dante e Dalí.
Sábado, 10 de outubro 2026, hora por definir: Pazzo Cámara de Comercio en Bari, Provincia de Lecce (Italia): Picasso, Lo Sguardo Rivoluzionario. Comisario: Joan Abelló Juanpere. Trátase da cesión dunha selección das series Linóleos e a Suite Vollard e mais a serie completa dos bosquexos para a creación do Guernica cedidas pola FMAG. En total 92 obras. Do 10 de outubro 2026 ao 7 de marzo 2027).
