A contorna de praia Xardin, no Edificio das Colonias de Boiro, vai dar acollida este martes 25 de agosto á función familiar Abracadaver, un espectáculo clown de As Sircópatas para público infantil e familiar.
Dará comezo ás 12.00 horas.
Abracadaver é un espectáculo de circo terrorificamente divertido, en palabras do seus creadores “unha terapia de choque para partirse de risa e desfacerse dos medos, unha oportunidade para vivir a experiencia do teatro en familia”.
En definitiva, trátase dun show de rúa para todos os públicos que nos pon na pel de Rogelio, personaxe de ficción ao que dá vida o actor Dani Blanco e que nos vai demostrar as súas completas habilidades en materia de clown, malabares, escapismo, rulo, acordeón, serrucho… todo á disposición dun actor preparado para levar a cabo o seu Abracadaver…
