O suceso tivo lugar a bordo do pesqueiro «Playa de Cesantes», en augas do Morrazo próximas ás Illas Cíes.
Un mariñeiro de 61 anos, natural de Ribeira, perdeu a vida durante a madrugada deste martes mentres faenaba en augas da Costa da Vela, na península do Morrazo, nunha zona moi próxima ao arquipélago das Illas Cíes.
O incidente rexistrouse a bordo do pesqueiro Playa de Cesantes. Pouco despois da medianoite (00:00 horas), a tripulación alertou a Salvamento Marítimo sobre un accidente na embarcación cunha persoa ferida. Aínda que nese momento se mobilizou o helicóptero de rescate Pesca 1, a aeronave non chegou a intervir, xa que o mariñeiro faleceu a bordo antes de poder chegar a porto.
Investigación aberta
Arredor das 02:00 horas da madrugada, o buque atracou no peirao de Vigo, onde xa agardaba a Policía Xudicial da Garda Civil. O corpo asumiu a investigación para determinar as causas do que apunta a ser un accidente laboral aínda por esclarecer.
Tras procederse ao levantamento do cadáver, o corpo foi trasladado para practicarlle a autopsia, que determinará as causas exactas do falecemento.
