A canícula traénos unha semana de sol e calor en Galicia co ascenso xeralizado das temperaturas
Galicia inicia l luns 27, baixo unha clara influencia anticiclónica que deixará un tempo marcadamente estival, con ceos despexados e un acusado ascenso das temperaturas que se fará notar de forma especial na franxa atlántica e nas comarcas do sur.
A presenza das altas presións situadas sobre as Azores garante xornadas de sol e estabilidade, aínda que coas habituais matizacións do clima atlántico a primeiras horas da mañá.
Rías Baixas: días de praia con marcadas temperaturas
Nas Rías Baixas o escenario será plenamente de verán. Apenas se rexistrarán algunhas néboas costeiras moi mornas ao amencer que darán paso axiña a un sol radiante.
Mentres que na liña de praia as temperaturas serás máis suaves pola brisa mariña —con máximas arredor dos 33 °C a 35 °C. O vento de nordés soprará con intensidade moderada no litoral, aliviando a calor a orilla do mar.
Santiago: ceos limpos e máximas a rozar os 30 graos
Na capital galega, a semana arranca con algunha néboa matinal e brumas pasaxeiras que se irán disipando a medida que avance a mañá. A partir do medio día, o sol será o claro protagonista nun ceo que permanecerá practicamente despexado.
O mercurio experimentará un ascenso notable, con máximas que se situarán entre os 31 °C e os 33 °C, mentres que as nocturnas mantéñense en valores agradables, contornando os 15 °C. O vento soprará frouxo de compoñente norte-nordés, deixando unha sensación térmica moi agarimosa durante a tarde.
Ante o incremento das temperaturas e ceos sen nubes, a radiación solar acadará niveis moi elevados (Índice UV 8-9), polo que se recomenda extremar a protección e evitar a exposición directa ao sol nas horas centrais da xornada.
O noso mar: Vento do nordés á mañá e á noite e do noroeste á tarde, forza 2 a 3 á mañá, 1 a 3 á tarde e 1 a 2 á noite. Mar ovellado á mañá e á tarde e mar rizado á noite. Visibilidade boa. Mar de fondo do noroeste, con ondas de 1 a 1.5 metros.
