Dicir “os españois primeiro” é o equivalente a poñer en determinadas bocas citas indebidas e nas mans desas persoas a chave que só abre portas a moi concretos españois que, dende as opcións de VOX e outros partidos das súas características, constatan que se reabren uns dereitos que no franquismo só correspondían aos máis achegados ás teses de aqueles que repartían os privilexios que, en España, non estaban ao alcance de todos malia seren recursos públicos: vivenda, axudas sociais, prestacións, traballo.. materias que, no ideario de determinados partidos políticos con representación parlamentaria actual, corresponden aos nacionais. Porque estes van diante. Sen embargo, España reclamou para os seus nacionais migrantes cando nos países da emigración se “tocaban” os dereitos dos españois aló residentes.
Nos anos 70 do século pasado, Suiza tentaba regular a estadía no seu territorio de migrantes que -dicían as súas autoridades nacionais- ocupaban postos de traballo que supostamente deberan ocupar os traballadores suizos e que, na realidade, estes rexeitaban porque nada querían saber de se adicar á construción, hostalaría, servizos de limpeza e semellantes porque os “denigraban” e aos españois non lles importaba porque gañaban máis ca en España e en Suiza tiñan uns dereitos que aquí non se lles recoñecían.
Lembro perfectamente os trens que, desde A Coruña, poñían rumbo a Hendaia e de aquí a outros destinos en Francia, Suiza, Alemaña, Bélxica, etc. cunha manchea a bordo de migrantes que, con dereitos ou sen eles, tiñan o pasaporte alistado para, na época de verán e con sorte na de Nadal, retornar a Galicia e, de aquí, reemprender viaxe de volta aos seus postos de traballo, algo que non tiñan garantido en España e que actualmente VOX non quere garantir aos traballadores extranxeirios que veñen ocupar aquí postos de traballo que os nacionais rexeitan.
Daquela, onde está a prioridade nacional: no traballador ou no traballo?.
Algonso Fernlandez Mañueco, investido onte presidente da comunidade autónoma de Castela e León, asumiu a “prioridade nacional”. Revalida así un poder que lle outorga neste caso os votos de VOX, partido que acada a vicepresidencia e tres consellerías.
Haberá que pensar onde radica a prioridade nacional nunha comunidade que coñece sobradamente o que é a emigración e a despoboación.
