A xornada do luns 8, estará marcada pola aproximación dunha fronte moi desfeita durante a mañá, que provocará un aumento progresivo da nubosidade en boa parte do territorio. Segundo as previsións meteorolóxicas, agárdanse precipitacións febles nas rias baixas e no oeste da provincia da Coruña, que irán adquirindo carácter intermitente co paso das horas.
As chuvias poderían chegar de maneira ocasional e illada a zonas do interior, aínda que tenderán a desaparecer co avance da tarde.
No que respecta ás temperaturas, as mínimas manteranse sen cambios significativos ou experimentarán lixeiros ascensos no interior, mentres que as máximas descenderán de forma moderada(23 graos). En canto ao vento, soprará do suroeste con intensidade moderada no litoral durante a mañá, coincidindo co paso da fronte, virando a norte pola tarde e mantendo carácter moderado en xeral.
O noso mar; Vento do sur á mañá, do noroeste á tarde e do norte á noite, forza 2 a 3 á mañá, 2 a 4 á tarde e 4 a 6 á noite. Mar ovellado á mañá, marusía á tarde e forte marusía á noite. Visibilidade boa. Mar de fondo do noroeste, con ondas de 1 a 2 metros á mañá e á noite e 0.5 a 1.5 metros á tarde.
