Galicia quedará este venres 5 baixo a influencia dunha borrasca situada ao norte da comunidade, en desprazamento cara a Irlanda. Esta situación deixará unha xornada de transición, con presenza de néboas matinais en comarcas do interior e ceos cubertos por abundantes nubes medias e altas ao longo do día.
Co avance do día, o tempo irá inestabilizándose progresivamente. As primeiras chuvias farán acto de presenza durante a noite, estendéndose de forma xeneralizada a todo o territorio galego na madrugada do sábado.
No que respecta ás temperaturas, as mínimas experimentarán un moderado descenso, mentres que as máximas tenderán a subir de maneira lixeira a moderada. En canto ao vento, soprará do sur-suroeste con intensidade moderada, incrementándose ata intervalos fortes no litoral noroeste durante a segunda metade do día.
O noso mar; Vento do sur á mañá, do sudoeste á tarde e do sudoeste á noite, forza 3 a 4 á mañá e 4 a 5 á tarde e á noite. Marusía á mañá e forte marusía á tarde e á noite. Visibilidade boa á mañá e á tarde e regular á noite. Mar de fondo do noroeste, con ondas de 2 a 2.5 metros á mañá e 1.5 a 2 metros á tarde e á noite.
