O Porto do Son vai ser este mes de xuño unha gran festa da cultura, da man da terceira edición da Feira Creasón, festival de arte, música e artesanía previsto para o vindeiro sábado 6 de xuño na vila sonense. A cita será na praza de Rosalía de Castro ou, no caso de chuvia, no Polideportivo de Santa Irene. Ao longo dos vindeiros días a organización do evento irá dando información sobre as actividades previstas e o programa. Haberá mostra de artesanía, obradoiros para adultos e cativos, sesión vermú, contacontos, foliada, concertos e moito máis. Organiza Sonora Asociación Cultural en colaboración co Concello do Son.
