Chuvascos treboentos localmente fortes con posible saraiba nas rias baixas de Pontevedra. Aviso desde as 14 horas do sábado ata as 24 do domingo.
A xornada do sábado estará marcada por unha forte inestabilidade atmosférica, debido á combinación de aire moi cálido en superficie e aire frío nas capas altas. Agárdanse ceos parcialmente cubertos, con nubes medias e altas, e unha alta probabilidade de chuvascos de carácter tormentoso, sobre todo no interior.
As temperaturas apenas cambiarán, polo que continuará a sensación de calor intensa. O vento soprará frouxo e de dirección variable durante boa parte do día, aínda que tenderá a predominar o nordés.(30 a 32 graos).
O noso mar: Vento variable á mañá e á tarde e do nordés á noite, forza 2 a 4 á mañá e 1 a 3 á tarde e á noite. Marusía á mañá e mar ovellado á tarde e á noite. Visibilidade boa. Mar de fondo do noroeste á mañá e á tarde e oeste á noite, con ondas de 1 a 1.5 metros á mañá e 0.5 a 1 metros á tarde e á noite.
