A Asociación de Veciños de San Xoán de Laíño organiza o vindeiro 17 de maio de 2026, ás 12:30 horas, no Local Social do Montiño, unha xornada especial para conmemorar o Día das Letras Galegas, que este ano está dedicado á autora viguesa Begoña Caamaño.
O acto contará coa participación de Beatriz Otero Solla, quen presentará o seu traballo cunha charla e un vídeo documental sobre a vida e obra da homenaxeada.
Ademais, o evento incluirá unha actuación musical das Pandeireteiras de A Foliada do Montiño, que poñerán o acento máis tradicional e festivo á celebración.
A xornada tamén quere involucrar aos máis pequenos mediante un concurso de debuxo, no que se lles anima a presentar as súas creacións inspiradas nas Letras Galegas. Os debuxos serán expostos tanto no propio local como na páxina de Facebook da Asociación, e o máis votado recibirá un agasallo.
O prazo para votar rematará o 22 de xuño.
Como colofón, haberá uns petiscos para todos os asistentes, fomentando así un espazo de encontro, cultura e comunidade arredor da lingua e a literatura galega. Esta iniciativa, organizada pola Asociación de Veciños de San Xoán de Laíño, súmase ás celebracións por toda Galicia que cada ano recoñecen a traxectoria das figuras máis destacadas da literatura galega.
