Este martes 9 de decembro rexistrouse un accidente de tráfico con persoa ferida en Ribeira, na estrada AC-550 á altura da rotonda de Xarás. No sinistro interviñeron o GAEM local (Protección Civil), a Policía Local, 061 urxencias médicas, o Parque de Bombeiros de Ribeira e axentes da Garda Civil de Tráfico.
Segundo informaron, a persoa ferida e trasladada ao Hospital do Barbanza era o acompañante dun dos dous vehículos implicados, un Dacia Sandero. O sinistro rexistrouse a media tarde, sobre as 17.00 horas, logo de que un Volvo XC40 procedente de Carreira quedase ao parecer sen freos e chocase contra a marquesiña de buses e logo contra o devandito Dacio Sandero. Ningún dos dous condutores resultou ferido nin mancado.
