Este domingo 7 de decembro celebrouse a XX edición da Carreira Mar de Boiro, o 18º Memorial Pepe Buceta: unha proba na que participaron 700 deportistas e que puntuou para o XI Circuíto Provincial de Carreiras da Deputación da Coruña.
O evento arrincou a primeira hora Comeza coas categorías mini e supermini.
Logo foi a quenda dos escolares e dos maiores, con dez quilómetros de percorrido (10K).
O tenente de alcalde, Luis Ruiz, e o concelleiro de Deportes, Marcos Fajardo, fixeron a entrega dos premios aos participantes. Finalmente os grandes vencedores da xeira deportiva foron Pablo Otero (Club Atletismo Narón), na modalidade masculina (cun tempo de 32 minutos e 10 segundos), e Mullunesh Marina Porteiro (da Sociedade Ximnástica de Pontevedra), no apartado feminino, cun tempo de 39 minutos e 3 segundos.
Na categoría masculina o segundo clasificado por Yago Lijó, do Triatlón Rianxo, a algo máis dun minuto de Pablo Otero, e o terceiro lugar de podio foi para Alberto Mariño, da SD Compostela Atletismo. Na vertente feminina a segunda foi Aiona Gontán, da SD Compostela Atletismo, a algo menos de medio minuto da primeira, seguida de María Teresa Cimadevila, do Club El Canario de Ribeira.
