O Concello de Outes, a través do CIM (Centro de Información ás Mulleres), ofrécelles durante a vindeira tempada festiva, ás familias con menores de idades comprendidas entre os 3 anos (escolarizados) e os 12 anos, o servizo de conciliación Tempo de Nadal 2025-2026, que forma parte do programa Outes Concilia, destinado, como o seu nome indica, a achegar actividades de lecer que permitan a nais e pais seguir desenvolvendo a súa vida laboral.
Este servizo celebrarase os días 22, 23, 24, 26, 29, 30 e 31 de decembro e 2, 5 e 7 de xaneiro, en horario de 8:00 a 16:00 horas, no edificio autónomo do CEIP Plurilingüe de Outes.
O prazo de inscrición é dende o 26 de novembro ata o 10 de decembro. As prazas son limitadas. Quen precise máis información sobre o servizo, tena no PDF habilitado na web municipal, así como tamén a folla de inscrición.
