Este sábado,8 Galicia quedará nunha situación intermedia entre altas e baixas presións, o que deixará unha xornada de ceos con intervalos nubrados e a posibilidade dalgún chuvasco illado e ocasional, especialmente no noroeste durante as primeiras horas do día.
As temperaturas descenderán lixeiramente, mentres que os ventos soprarán do suroeste, con intensidade moderada no litoral norte e noroeste e frouxa no resto da comunidade (16-18 graos).
O domingo o ceo estará parcialmente nubrado con precipitacións máis probables na metade oeste do territorio co avance do día e sendo xeneralizadas cara á noite acompañadas de treboadas.
O noso mar: Vento do sueste á mañá, do sudoeste á tarde e do sur á noite, forza 1 a 3 á mañá, 2 a 3 á tarde e 3 a 4 á noite. Mar ovellado á mañá e á tarde e marusía á noite. Visibilidade boa. Mar de fondo do noroeste, con ondas de 4 a 5 metros á mañá, 3.5 a 4.5 metros á tarde e 3 a 4 metros á noite.
