O paso dunha fronte activa marcará a xornada do domingo 19, con ceos moi nubrados e chuvias persistentes e xeneralizadas, que poderán ser localmente fortes nna comarca e no oeste da comunidade.
As temperaturas mínimas experimentarán un lixeiro ascenso, mentres que as máximas descenderán de maneira notable, especialmente nas provincias atlánticas(18 a 20 graos).
O vento soprará do suroeste con intensidade moderada, con rachas fortes no litoral e en zonas elevadas, sobre todo durante a mañá, o que poderá incrementar a sensación térmica de frío.
O noso mar: Vento do sur á mañá e do sudoeste á tarde e á noite, forza 5 a 6 á mañá, 3 a 5 á tarde e 3 a 4 á noite. Forte marusía á mañá e marusía á tarde e á noite. Visibilidade mala á mañá e regular á tarde e á noite. Mar de fondo do oeste, con ondas de 0.5 a 1.5 metros.
