Dotación de bombeiros do Consorcio Contra Incendios e Salvamento de A Coruña con base en Boiro, xunto co grupo GES de Noia, o 061 e a Garda Civil, actuaron na madrugada do domingo nun accidente con feridos na DP-6202 ao seu paso polo concello de Outes.
O sinistro aconteceu na estrada de Outes a Valadores e, segundo puidemos confirmar, saldouse só con feridos e non houbo que lamentar ningunha morte malia a aparatosidade do accidente (o vehículo deu varias voltas e caeu por un terraplén situado á beira da estrada).
