Ramón Xosé Beltrán Carballeira, profesor de Historia de moitas xeracións de alumnos e alumnas no IES Fontexería de Muros, vai presentar na muradá Fábrica de Sel a súa primeira novela: As palabras de Morfeo, de Edicións Morgante (selo de literatura galega da editorial Rinoceronte de Cangas).
A presentación será próximo xoves, 2 de outubro, ás 19:00 horas na antiga Fábrica de Sel.
Estará acompañado polo concelleiro de Servizos Sociais, Mario Martínez Lago, e polo editor, Moisés Barcia.
Sinopse
Un home ten un soño peculiar e deberá viaxar a Madrid cunha completa descoñecida para pedirlle a un experto en lingua friulana que lle axude a descifrar o seu sentido. A tradución do seu soño embarcarao nunha aventura que mestura pasado e presente.
