A comarca rexistrou este mércores as máximas choivas do pais con 30 l/m2 na estación de Rois. Mañá Galicia recibirá este xoves 4, Santa Rosalía e San Bonifacio, a visita dunha nova fronte atlántica, que cruzará o territorio da costa o interior nas primeiras horas da xornada. O paso deste sistema provocará ceos parcialmente cubertos e precipitacións que se desprazarán con rapidez desde o litoral coruñés cara ao interior da Comunidade.
A medida que avance o día, a situación mellorará e quedará unha tarde de alternancia de nubes e claros, con algún chuvasco illado e ocasional, xa de pouca importancia.
No que respecta ás temperaturas, as mínimas descenderán lixeiramente, mentres que as máximas se manterán sen cambios significativos(20-24 graos). O vento soprará frouxo, de compoñente oeste.
O noso mar: Vento do sudoeste á mañá, do oeste á tarde e do norte á noite, forza 2 a 3 á mañá, 1 a 3 á tarde e 1 a 2 á noite. Mar ovellado á mañá e á tarde e mar rizado á noite. Visibilidade boa. Mar de fondo do noroeste, con ondas de 2 a 3 metros á mañá e á tarde e 1.5 a 2.5 metros á noite.
