Este xoves, Santa Susana, continuaremos baixo a influencia das altas presións, cunha circulación pouco definida e a presenza dunha masa de aire moi cálida en superficie. Agárdase unha xornada marcada por ceos pouco nubrados ou despexados, aínda que poderán aparecer brétemas costeiras nalgúns puntos do litoral que farían baixar a temperatura na comarca pola costa (28-30 graos e no interior e Santiago 36 graos).
As temperaturas manteranse sen cambios significativos respecto aos días anteriores, mantendo valores propios desta época do ano.
En canto ao vento, soprará frouxo e de dirección variable no interior, con réxime de brisas durante a tarde. No mar, entre Bares e Fisterra, o vento será do nordés e soprarará con intensidade moderada.
O noso mar: Vento variable á mañá e á noite e do noroeste á tarde, forza 1 a 2 á mañá e á noite e 1 a 3 á tarde. Mar rizado á mañá e á noite e mar ovellado á tarde. Visibilidade mala á mañá e regular á tarde e á noite. Mar de fondo do noroeste, con ondas de 0 a 1 metros.
