O Cabido da Catedral elixiu ao muradán, Manuel Jesús Formoso Fernández como novo Deán-Presidente, en substitución de José Fernández Lago. A elección tivo lugar en sesión ordinaria celebrada o pasado martes, 8 de xullo de 2025, coa asistencia dos membros do Cabildo e conforme ao establecido nos Estatutos da institución.
A votación, celebrada tras a lectura dos artigos correspondentes por parte do secretario, o M. I. Sr. Temperán Villaverde, concluíu coa elección de Formoso Fernández ao obter os dous terzos necesarios dos votos emitidos na terceira rolda.
O nomeamento foi remitido ao Excmo. e Rvdmo. Sr. Arcebispo para a súa confirmación, tal como marcan os Estatutos e o canon 509.1 do Código de Dereito Canónico. A confirmación tivo lugar o mércores 9 de xullo, quedando así formalizado o novo cargo.
Manuel Jesús Formoso Fernández asumirá a responsabilidade de representar institucionalmente ao Cabildo, presidir as celebracións litúrxicas da Catedral, convocar e dirixir as sesións do órgano capitular e velar polo cumprimento dos Estatutos. O seu mandato terá unha duración de catro anos, con posibilidade de renovación por un segundo período consecutivo. Nos próximos días anunciarase a data oficial de toma de posesión do novo Deán-Presidente.
