Este xoves, 10 de xullo, 55 músicos de diferentes países virán facer unha foliada aberta a Porto do Son, dentro do programa Escolas Abertas da Secretaría Xeral da Emigración da Xunta de Galicia.
A foliada terá lugar na praza de España, a partir das 22:30 horas e desde a organización recomendan levar instrumentos e moitas ganas de tocar e bailar.
Esta iniciativa, que leva desenvolvéndose varias décadas, está dirixido ás entidades galegas do exterior e permite dar formación especializada ás persoas responsábeis de impartir docencia en actividades de cultura tradicional galega, de confección de traxes tradicionais galegos ou baile.
