Durante a madrugada do venres ao sábado 28 de xuño, a Policía Local de Ribeira en colaboración coa Policía Nacional, interceptou a dous condutores cando transitaban pola estrada de maneira errática nos seus respectivos automóbiles na zona urbana de Ribeira. Unha de estas persoas, foi proposta para tres sancións polos seguintes delitos: superar o límite de alcol en aire expirado, conducir tras incorporar ao seu organismo drogas tóxicas e conducir cun permiso de conducir cuxa vixencia caducou.
Polo que respecta ao segundo condutor, foi proposto para unha sanción por conducir “tras incorporar ao seu organismo drogas tóxicas”.
Os axentes da Policía Local procedeu a inmobilizar ambos automóbiles e a trasladalos ao depósito municipal de vehículos, ata a aparición dun condutor debidamente habilitado.
Doutra banda, na noite do sábado 28 de xuño, os axentes interviron nun accidente de circulación acontecido na rúa da Paz, estrada entre os lugares das Saíñas e A Carballa (parroquia de Palmeira), consistente na saída dun automóbil da estrada que foi bater con dous vehículos que estaban estacionados na marxe dereita do dito treito, con resultado do condutor ileso e danos materiais nos automóbiles. O condutor do citado automóbil presentaba indicios de atoparse baixo a influencia do alcol, segundo sinalaron os axentes, que o requiriron para realizar as probas de detección regulamentarias, arroxando unha taxa positiva.
