Este mércores, as Rías Baixas espertarán baixo ceos maioritariamente cubertos e con algunhas precipitacións febles, sobre todo nas zonas máis occidentais e nas áreas de maior altitude. Todo isto debido a unha situación intermedia entre unha borrasca situada sobre Escocia e o anticiclón das Azores.
A boa nova é que, co avance do día, a situación irá mellorando. Pola tarde, os ceos tenderán a abrirse e teremos máis claros, especialmente nas zonas costeiras.
As temperaturas non experimentarán cambios significativos, e seguirán con valores suaves. O vento soprará frouxo do oeste-suroeste.
O noso mar: Vento do oeste á mañá e á tarde e do sudoeste á noite, forza 1 a 2 á mañá e 2 a 3 á tarde e á noite. Mar rizado á mañá e mar ovellado á tarde e á noite. Visibilidade regular á mañá e boa á tarde e á noite. Mar de fondo do noroeste, con ondas de 1 a 2 metros á mañá e á tarde e 1.5 a 2 metros á noite.
