Sufriu varios golpes en cabeza, brazo e costelas e unha forte conmoción.
Para o rescate, só era posible a vía aérea, xa que caeu por un desnivel rochoso de catro metros de profundidade. Atopábase na Illa de Ons, fronte ao illote das Freitosas, tal e como explicou un compañeiro do ferido na súa chamada de auxilio ao 112 Galicia pasadas as oito desta tarde.
Deste xeito, os xestores do Centro Integrado de Atención ás Emerxencias de Galicia avisaron a Salvamento Marítimo, que confirmou a saída do equipo do Pesca-I, do Servizo de Gardacostas. Tamén pre alertouse aos Bombeiros do Morrazo e a Garda Civil.
Os rescatadores do Pesca-I sacaron o ferido das rochas e conducírono ata o Hospital Álvaro Cunqueiro de Vigo, onde recibe a asistencia sanitaria necesaria.
