O parque provincial de Ribeira atendeu este mediodía unha incidencia por unha posible fuga de gas nunha vivenda na rúa Palmira, no Concello de Ribeira.
O aviso recibiuse ás 13:50 h. Unha vez no punto os bombeiros provinciais detectaron o cheiro a gas procedente da zona do contador, localizado no muro do peche da vivenda. Realizáronse medicións que resultaron negativas, polo que se procedeu ao peche da válvula de entrada de gas, quedando a empresas responsable da subministración no lugar para continuar coa revisión da instalación. No operativo tamén participaron Policía Local, Policía Nacional e GAEM de Ribeira.
