Este venres 25 de abril, a concelleira de Medio Ambiente, Antía Alberte, e máis o concelleiro de Mar, Fernando Abraldes, anunciaron que o vindeiro sábado 3 de maio, a partir das doce na praia de Coroso e á altura da Escola Oficial Náutico Pesqueira, procederase a realizar unha limpeza colectiva da praia de Coroso, unha xornada de traballo para a que está mobilizada a veciñanza voluntaria do concello e da comarca. Poderán inscribirse a través da web municipal.
Nesta actividade de limpeza colabora a Cofradía da Dorna que xunto co Concello aportará uns petiscos ao rematar a xornada. Os concelleiros informaron que será preciso “traballar con coidado por mor da tempada de aniñamento da píllara das dunas”.
