Padrón reafirma o seu compromiso coa memoria histórica e homenaxea a Alberte de Esteban

14 Abril 2025

Alberte de Esteban subliña que o Día da Memoria Democrática Padronesa permite “recuperar a nosa historia, esa que sempre foi negada e sepultada”

O Auditorio Municipal de Padrón acolleu a segunda edición do Día da Memoria Democrática Padronesa, un evento organizado polo Concello para homenaxear ás vítimas da represión franquista e reforzar os valores de xustiza, liberdade e memoria.

O acto contou coa actuación da Banda Municipal de Padrón e do dúo de acordeóns Ad Libitum, que interpretaron pezas emblemáticas como ¡Ay, Carmela! e o Himno de Riego. Tamén se realizaron lecturas a cargo da asociación feminista Moradaura.

Durante o evento, o alcalde de Padrón, Anxo Arca, destacou a importancia da memoria histórica e lembrou a recente decisión do Concello de retirar todas as honras ao ditador Franco. “Este foi un paso fundamental para que Padrón avance na recuperación da súa historia e rache definitivamente cos vínculos co réxime franquista”, sinalou.

O homenaxeado nesta edición foi Alberte de Esteban Gracia, destacado referente do movemento anarcosindicalista, da educación pública e da defensa da lingua galega. No seu discurso, agradeceu o recoñecemento e felicitou ao Concello pola retirada da simboloxía franquista no municipio. Alberte lembrou a súa traxectoria como mariño mercante, actor e profesor de Lingua e Literatura Galega, así como a súa vinculación con iniciativas sociais e educativas.

O Concello de Padrón reafirmou o seu compromiso coa memoria histórica e coa construción dunha sociedade baseada na dignidade, na liberdade e na xustiza. A celebración do Día da Memoria Democrática Padronesa consolídase así como un evento clave na recuperación da memoria colectiva.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.