O accidente laboral ocorreu no porto de Ribeira. Pasaban uns minutos das 16:30 horas cando o 112 Galicia recibiu a chamada dun particular alertando dunha caída duns 8/10 metros dun traballador. O operario estaba realizando tarefas no tellado dunha nave industrial cando as uralitas romperon e provocaron a súa caída ao chan.
De inmediato informouse do ocorrido ao Servizo de Urxencias Sanitarias de Galicia-061, os cales decidiron mobilizar o helicóptero medicalizado ata o punto para o posterior traslado do ferido ao Hospital Clínico Universitario de Santiago de Compostela.
A maiores, desde o 112 Galicia tamén se informou do suceso aos Bombeiros de Ribeira, ao GAEM de Ribeira, aos axentes da Policía Nacional e Local e aos efectivos de Protección Civil.
