Miles de persoas marchan en Compostela contra “o desmantelamento” do Sergas

06 Abril 2025

Miles de persoas congregáronse este domingo en Santiago de Compostela para protestar contra os recortes, a privatización e o desmantelamento do Servizo Galego de Saúde (Sergas). Convocada pola Plataforma SOS Sanidade Pública e apoiada por diversos colectivos, a manifestación esixiu máis recursos para garantir unha sanidade pública galega de calidade.

Baixo o lema “Máis atención primaria, máis atención hospitalaria, máis sanidade pública”, a marcha percorreu as rúas desde a Alameda ata a Praza do Obradoiro. Alí, fronte á Catedral de Santiago, leuse un comunicado que destacou o rexeitamento masivo da cidadanía ás políticas de recortes e deterioración do Sergas.

Entre as demandas principais, os manifestantes reclamaron centros de saúde con persoal suficiente, consultas accesibles nun prazo máximo de 24-48 horas e unha atención primaria integral que promova a saúde e preveña enfermidades. Tamén pediron reforzar a atención hospitalaria, denunciando a precariedade nos hospitais públicos e a falta de persoal para utilizar plenamente os recursos tecnolóxicos dispoñibles.

A protesta tamén puxo énfase na atención á saúde mental, esixindo máis recursos e persoal especializado, así como a recuperación de áreas sanitarias perdidas e a reversión de centros privatizados ao sistema público. Ademais, criticaron a manipulación das listas de espera e solicitaron un plan de choque para reducilas.

A portavoz nacional do BNG, Ana Pontón, e outros líderes políticos participaron na manifestación, subliñando a importancia de defender unha sanidade pública accesible e de calidade fronte ás políticas actuais.

Dende o Goberno da Xunta afirman que respectan as opinións das persoas que acudiron á manifestación pero que non comparten os motivos da convocatoria.

O conselleiro de Sanidade, Antonio Gómez Caamaño, atribúe o déficit de profesionais sanitarios ao Goberno central, e afirma que Galicia ten un dos mellores sistemas asistenciais do mundo, que cómpre coidar.

Nun comunicado, asegura que “Galicia dispón do maior orzamento sanitario da historia para optimizar e prestar a mellor asistencia”, nega os recortes, o incremento da concertación coa privada e o aumento das listaxes de agarda.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.