Pasadas as 22:15 horas do sábado, un particular alertou ao 112 Galicia do sinistro, rexistrado no quilómetro 1,5 da DP-3302, en Cruces (Padrón). Unha das persoas implicadas permanecía atrapada no interior dun dos coches.
De inmediato, os xestores do 112 Galicia pediron a intervención de Urxencias Sanitarias de Galicia-061, dos Bombeiros de Boiro, do GES de Padrón e dos axentes da Garda Civil de Tráfico.
Os Bombeiros encargáronse de liberar ao home, que foi atendido no punto e posteriormente trasladado ao Complexo Hospitalario Universitario de Santiago
A incidencia foi ocasionada por unha colisión entre dous turismo sendo preciso o labor dos bombeiros provinciais para liberar do interior do turismo a un dos ocupantes.
Completaron o operativo a Garda Civil de Tráfico de Santiago e o GES de Padrón.
