O Centro Social de Abanqueiro (Boiro) vai acoller este 7 de febreiro unha función para o público infantil e familiar: A libraría máxica. Será a partir das 20.00 horas e a venda de entradas farase na billeteira do centro dende unha hora antes da función.
A libraría máxica é o un espectáculo de Inventi Teatro para toda a familia, unha divertida peza teatral que rende homenaxe ao pequeno comercio, as tendas de barrio, e que achega aos nenos e nenas o amor pola literatura e a lingua galega. A dirección e dramaturxia corre a cargo da narradora oral e escritora Bea Campos e o elenco da función está formado pola propia Bea Campos e por Marcos Alonso.
