Galicia permanece baixo a influencia de baixas presións con ventos intensos do sur
Galicia continúa hoxe baixo a influencia das baixas presións, nunha situación intermedia entre dúas frontes que trae consigo ventos intensos do sur. Esta situación meteorolóxica está a provocar un contraste nas condicións atmosféricas dentro da Comunidade.
Os ceos amosaranse máis cubertos no sur e no oeste galego, con posibilidade de orballos no litoral oeste. Pola contra, no norte e no leste prevese unha maior presenza de claros, cunha atmosfera máis despexada.
En canto ás temperaturas, non se agardan cambios significativos, aínda que nalgúns puntos poderían rexistrarse lixeiros ascensos.
A intensidade dos ventos será outro factor a destacar, con refachos que superarán os 80 km/h no terzo norte, a franxa atlántica e nas zonas altas do interior da Comunidade. A alerta polos ventos intensos mantense activa, recomendándose precaución nas áreas máis afectadas.
O domingo 5, vespera de Reis teremos unha primeira metade do día con chuvias xeneralizadas, persistentes e de intensidader forte, que darán paso a unha tarde de chuvascos na que as precipitacións seguirán a producirse de xeito intermitente, aínda que por momentos con intensidade moderada. As temperaturas non terán cambios significativos. Refachos superiores aos 80 km/h e preto dos 100 km/h entre Rías Baixas e Costa da Morte.
O noso mar sábado 5: Vento do sur, forza 5 a 6 á mañá, 6 a 7 á tarde e 6 a 8 á noite. Forte marusía á mañá e media vaga á tarde e á noite. Visibilidade regular á mañá e mala á tarde e á noite. Mar de fondo do sudoeste, con ondas de 2 a 3 metros á mañá, 2.5 a 3.5 metros á tarde e 4 a 5 metros á noite.
Cámaras web da comarca (algunha pode nun funcionar puntualmente)
- Coroso directo _ Santa Uxía de Ribeira
- Praia de Balieiros directo- Corrubedo
- Praia da Ladeira directo- Corrubedo
- Praia das Furnas directo. Porto do Son
- Praia Aguieira directo.Porto do Son
- Portosín. Porto do Son
- Sálvora. Santa Uxía de Ribeira
- Pobra do Caramiñal directo. A Pobra
- Centro Náutico do Freixo
- Praia de Carnota
- Praia de Corón Vilanova de Arousa
- O Grove
