A exposición do XVIII Certame de Arte Isaac Díaz Pardo recala en Ribeira

04 Decembro 2024

O rexedor de Ribeira, Luís Pérez Barral, inaugurou este mércores 4 a exposición do XVIII Certame de Arte Isaac Díaz Pardo. Foi no Centro Cultural Lustres Rivas e segundo sinalou, poderá contemplarase até o 18 deste mes de decembro. A mostra vén da man da Deputación da Coruña.

Trátase dun concurso artístico de referencia a nivel galego xa consolidado e que ten como fin impulsar as creacións dos artistas da nosa comunidade e ao tempo poñer en valor a nosa cultura, facendo un chamamento ás voces artísticas consolidadas pero tamén ás emerxentes.

Nesta edición o xurado escolleu 17 pezas de videocreación, instalacións audiovisuais, fotografía, escultura, gravado e outras formas de expresión artística. Entre elas está erre melón, do fonsagradino Berio Molina Quiroga, escollida como gañadora por unanimidade. Unha peza en vídeo que reflexiona sobre a linguaxe e as formas de comunicación que se sitúan fóra do normativizado.

Estamos polo tanto ante unha mostra que é a oportunidade perfecta para dar a coñecer as mellores creacións artísticas do momento e por iso convidamos á veciñanza a visitala pois a entrada é gratuíta, co horario habitual de luns a venres mañá e tarde e sábados pola mañá.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.