Será na penúltima fin de semana de novembro, os días venres 22 e sábado 23, cando se celebre en Ribeira a ruta de tapas Toma Castaña. Celebrarase en horario libre e darase unha pequena ración de balde con cada consumición. Os locais hostaleiros que queiran participar deberán inscribirse no enderezo electrónico comercio@ribeira.gal ou no teléfono 686 58 70 00 como data límite ata o venres 8 de novembro de 2024 ás 23:59 h. Deberán indicar o nome do establecmento participante e da tapa que presentan.
Segundo explicou o Concello, a temática deberá ser o outono, dando preferencia ao uso da castaña como
ingrediente principal, dispoñendo neste ámbito os locais participantes de total liberdade creativa.
Aos locais participantes entregaráselle o cartel da ruta de tapas Toma Castaña no cal aparecerán os nomes dos establecementos participantes que formen parte deste itinerario gastronómico e, será publicado, tamén, nas diferentes redes sociais e páxina web do Concello de Ribeira.
