Muros acolle o 16 de novembro a cuarta edición do evento Nada e Corre

10 Novembro 2024

O vindeiro sábado 16 de novembro, a partir das 10.00 horas, celebrarase a cuarta edición do evento deportivo Nada e Corre do Concello de Muros. As inscricións están abertas dende o pasado 23 de outubro, en liña a través da web da Federación Galega de Tríatlon no apartado de competicións.

O Concello de Muros asume o custe da licenza dun día dos nenos e nenas non federados

A proba consistirá en nadar e correr, e a clasificación será baseada na suma dos tempos de ambas disciplinas. Establécense as categorías Prebenxamín, Benxamín, Alevín, Infantil e Cadete.

“A promoción do deporte e os hábitos de vida saudábeis entre os máis novos é o principal obxectivo que buscamos con este tipo de actividades e co que estamos totalmente comprometidas”, sinalou os días pasados a alcaldesa, María Lago.

Pola súa banda, o concelleiro de Deportes Damián Torea engadiu que estamos ante “unha bonita xornada de deporte que o ano pasado contou coa participación de 131 nenos e nenas, polo que desde o Concello de Muros estamos encantados de colaborar”.

O evento está organizado pola Federación Galega de Tríatlon e o Concello de Muros, coa colaboración da Secretaría Xeral para o Deporte; Protección Civil de Muros; GES Muros; Policía Local de Muros; persoal de Deportes (técnicos, persoal da piscina…), e os clubs deportivos de Muros, que aportan voluntarios para que o desenvolvemento da proba sexa mellor.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.