O Concello de Boiro sacou a licitación o proxecto para as obras de pavimentación no lugar de Xián por un importe de 34.089,21 euros. As empresas interesadas poderán presentar as súas ofertas a través da Plataforma de Contratación do Sector Público ata o 13 de novembro
O obxectivo desta actuación é mellorar o conxunto do firme e as súas características funcionais nas vías interiores da aldea de Xián, na parroquia de Bealo. Vaise actuar en catro tramos para a rehabilitación superficial mediante a aplicación dunha nova capa de rodaxe asfáltica para conservar e mellorar as características funcionais e a protección do conxunto do firme.
As actuacións vanse a levar a cabo a través do Plan de Obras e Servizos (POS+ 2023) da Deputación da Coruña.
