Galicia activa avisos por choivas e ventos fortes este martes e mércores

07 Outubro 2024

A chegada dos restos do furacán “Kirk” a Galicia activa avisos por choivas e ventos fortes dcon refachos de ata 130-140 quilómetros/hora na comarca o mércores pola mañá

A borrasca “Kirk” chegará a Galicia este martes, provocando intensas precipitacións e fortes ventos que manterán a boa parte do territorio galego en aviso. A situación prevese que empeore o mércores.

Este martes, as provincias da Coruña e Pontevedra estarán en alerta laranxa debido a choivas que poderían alcanzar os 80 litros por metro cadrado en 12 horas. O interior da Coruña, o sur de Ourense e as montañas de Lugo e Ourense estarán en aviso amarelo por precipitacións de ata 40 litros por metro cadrado no mesmo período.

O vento, con refachos de entre 70 e 80 quilómetros por hora, tamén activará avisos en toda a provincia da Coruña, Pontevedra, a Mariña luguesa e as zonas montañosas de Lugo e Ourense. Toda a costa galega, excepto o litoral de Lugo, estará en aviso por ventos do suroeste de forza sete.

O mércores, toda Galicia estará en aviso laranxa por choiva, vento ou temporal costeiro, salvo o litoral de Lugo, que terá unha alerta amarela.

Ondas de ata sete metros*

A borrasca ‘ex Kirk’ chegará ao noroeste da península entre a tarde do martes e o mércores, isto provocará un temporal marítimo significativo en Galicia e o Cantábrico, con ondas de ata sete e seis metros respectivamente, ventos moi fortes e precipitacións abundantes no norte e oeste peninsular.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.