Galicia e Angola exploran novas vías de colaboración para impulsar o sector marítimo-pesqueiro

02 Outubro 2024

O conselleiro do Mar, Alfonso Villares, explora coa ministra de Pesca e Recursos Mariños de Angola, Carmen do Sacramento Neto novas vías de colaboración para impulsar o sector marítimo-pesqueiro. O encontro de traballo enmarcouse na celebración da 25 edición da Feira Internacional de Conxemar, e serviu para estreitar relacións institucionais e afondar nos sólidos lazos comerciais, así como para abordar as posibilidades que as capacidades produtivas e tecnolóxicas poden achegar ao futuro desenvolvemento da industria pesqueira neste país africano.

Deste xeito, o responsable autonómico, acompañado polo director xeral de Pesca, Acuicultura e Innovación Tecnolóxica, Antonio Basanta, deu continuidade á rolda de contactos iniciada no día de onte, e que continuará mañá mércores para establecer sinerxías que permitan dende o Goberno galego impulsar políticas tractoras para o desenvolvemento económico da cadea mar-industria galega.

A pesca en Angola

A pesca e derivados representan un 2,7 % do PIB da actividade neste africano, de tal xeito que esta rexión é un mercado de gran importancia e tradición para a internacionalización da empresa española, sendo especialmente relevante dentro do contexto de expansión comercial de España na África subsahariana.

O Estado español é o sétimo provedor europeo de Angola e o primeiro cliente europeo debido ao importante volume das compras de petróleo que aumentaron considerablemente nos últimos anos. Tal é así que, nestes momentos, están instaladas nesta rexión unhas 34 empresas de nacionalidade española. En canto ao vínculo comercial de Galicia con este país, destaca a importación de polvo conxelado que, en 2023, superou as 47 toneladas, acadando un valor superior aos 500.000 euros.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.