O conselleiro do Mar, Alfonso Villares, asistiu ao xantar ‘Fin de Campaña’ organizada pola agrupación de marisqueo a pé de Muros onde puxo en valor a profesionalidade e bo facer das profesionais do pósito
murudán. Alí destacou que a súa dedicación e compromiso contribúen ao liderado do sector pesqueiro galego poñendo no mercado un produto de incomparable en sabor e calidade. O responsable autonómico subliñou que as xentes do mar son o auténtico segredo e factor singular que fai de Galicia unha potencia acuícola a nivel continental.
Alfonso Villares, acompañado pola directora xeral de Desenvolvemento Pesqueiro, Marta Villaverde, reiterou o compromiso do Goberno galego de seguir articulando medidas en apoio da actividade marisqueira, motor económico e de emprego, sempre da man do sector que son os que mellor coñecen as necesidades e desafíos aos que se están a enfrontar. Nesta liña, e parafraseando a campaña de promoción impulsada pola
Consellería do Mar, GALICIA SABE AMAR, é grazas a homes e mulleres que día a día levan aos mercados os mellores produtos do mar. Por último, felicitou á agrupación por esta iniciativa e manifestou que xunto, Xunta de Galicia e o sector, o futuro do sector pesqueiro da nosa comunidade está asegurado.
