Algunha xente continúa cunhas mentalidades moi pechadas e pouco empáticas cos problemas e as vivencias doutras persoas que padecen situacións difíciles ou complicadas. Algo similar sucede cos menores migrantes, non acompañados que chegaron ao noso país, en busca de oportunidades e poder vivir cun mínimo de dignidade. Pois hai algúns prehistóricos inquisidores que xa os tratan de estigmatizar mentindo e culpándolles de ser uns futuros violadores, ladróns, vagos, asasinos, tratándoos coma se fosen peor ca ganado.
Os inmigrantes ilegais, sen papeis, son persoas e como tales hai que tratalos. Escoito a un comentarista da dereita máis radical e inhumana que se, por exemplo, ao seu fillo atópano en Francia chamaríano para que pasase a recollelo. Entón porque non chaman aos pais, deses menores, en Marrocos ou Mauritania para que os seus pais fáganse cargo deles. Senvergonza, sen escrúpulos. Non é o mesmo, mentres teu fillo está de paseo e gozando en Francia eses menores pasan fame, miseria e as consecuencias deses réximes pouco democráticos, nos seus países de orixe.
Por solidariedade e humanidade, deixando ao carón as ideoloxías partidistas, deber acoller a todos eses menores de acordo coas posibilidades de cada comunidade. Non queda outra, é o máis sensato e necesario para un país como España e todos da propia Unión Europea. Non podemos movernos pola cor da pel, acollemos a nenos ucraínos e rexeitamos aos nenos africanos. Menos hipocrisía e máis sensatez.
